Etter å ha lese lesarinnlegga de skreiv for ei tid tilbake, ser eg at mange av dykk treng litt hjelp for å få betre tak på sidemålet.Eit tips frå meg er at de må lese fleire nynorske tekstar, også utanfor skolen. Det å finne gode nynorsktekstar er derimot noko mange synest er vanskeleg. Eg vil difor kome med forslag til to bøker for de av dykk som ønskjer å ha noko å sjå på i dei neste vekene. Den fyrste boka er faktisk ei barnebok, nemleg Happy skriven av Linn T. Sunne. Denne boka vann Brageprisen for beste barne- og ungdomsbok i 2007. Kort sagt er det ei bok om "å vere ny i klassen, lyge og ha pokerfjes som sprekk." Mange vil kanskje seie at de er for gamle for denne boka, men eg vil likevel seie ho er verd å lese både på grunn av sjølve historia og språkføringa. De kan lese meir om Happy her.Den andre boka er Frode Grytten si novellesamling
Bikubesong frå 1999. Dette er ei samling av 25 noveller som alle tek for seg livet til innbyggjarane i ei bestemt bygning i Odda. Også denne boka er vinnar av ein Bragepris og de finn meir informasjon om ho her.God lesing!
Ingen kommentarer:
Legg inn en kommentar